ACREDITACIÓN COMPETENCIA DIXITAL ALUMNADO DE FORMACIÓN PROFESIONAL CURSO 2025-2026

 Publícanse as instrucións para a acreditación das competencias dixitais do alumnado que cursa ensinanzas de formación profesional de grao medio entre outras.

Acreditación do alumnado de ciclo medio:

A obtención do título de ciclo medio acredita que a alumna ou o alumno ten os coñecementos, habilidades e actitudes das áreas de dominio 1, 2, 3 e 5 do nivel intermedio descritas no Marco galego de competencias dixitais.

Podes consultar as áreas e competencias recollidas no Marco no seguinte enlace:

https://competenciasdixitais.xunta.gal/gl/marco-galego/estrutura 

Acreditación por superar unha proba e obter unha titulación: 

Poderá acreditar o nivel intermedio o alumnado que supere unha proba específica da área de dominio 4 e obteña o Título de técnico no curso 2025-2026. Neste caso recibirá a certificación ComDix que acredita o nivel intermedio.

O alumnado que non acredite de forma completa o nivel intermedio recibirá de oficio unha certificación do nivel de aptitude nas áreas de dominio superadas.

A continuación tedes un resumo do procedemento para participar na proba, desenvolvemento da mesma e material de consulta e demostración da proba:

V XORNADA DE PORTAS ABERTAS CAMPUS INDUSTRIAL DE FERROL 2026

O vindeiro mércores 25 de Marzo de 2026 organízase a V Xornada de Portas Abertas Presencial do Campus Industrial de Ferrol dirixida ao alumnado de 1º e 2º de Bacharelato e Ciclos oficiais de Grao Superior de Formación Profesional.

 Na quenda de tarde - de 16:00 a 20:00 horas poderá asistir público Xeral (Visitas individuais, grupos de amigos/as, en familia...) 

O  público participante poderá elixir entre TRES posibles itinerarios: 

XORNADA DE PORTAS ABERTAS UDC 2026

Os días 12 e 13 de marzo de 2026 en horario de tarde no Campus da Coruña levarase a cabo unha Xornada de Portas Abertas dentro do programa de actividades de divulgación para dar a coñecer a Universidade da Coruña ao estudantado de bacharelato e ciclos formativos de grao superior.

ACREDITACIÓN COMPETENCIA DIXITAL ALUMNADO 2º BACHARELATO CURSO 2025-2026

 

 

 

 

Publícanse as instrucións para a acreditación da competencia dixital do alumnado que cursa, en réxime ordinario ensinanzas de bacharelato entre outras.

Acreditación do alumnado de bacharelato:

A obtención do título de bacharel acredita que a alumna ou o alumno ten os coñecementos, habilidades e actitudes das áreas de dominio 1, 2, 3 e 5 do nivel intermedio descritas no Marco galego de competencias dixitais.

Podes consultar as áreas e competencias recollidas no Marco no seguinte enlace:

https://competenciasdixitais.xunta.gal/gl/marco-galego/estrutura

O alumnado matriculado en 2º de bacharelato poderá presentarse a unha proba específica co obxectivo de acreditar os coñecementos da área de dominio 4 do nivel intermedio.

No caso de que unha alumna ou un alumno obteña o título de bacharel e ademais supere a proba específica da área de dominio 4 do nivel intermedio, recibirá a certificación ComDix que acredita o nivel intermedio.

O alumnado que titule sen superar a proba específica e o alumnado que non titule e supere a proba específica poderá solicitar no centro docente un documento que acredite as áreas de dominio de competencia dixital de nivel intermedio superadas.

A continuación tedes un resumo dos requisitos para participar na proba e sobre o desenvolvemento da mesma:

AXUDAS PARA CURSO INTENSIVO DE INMERSIÓN LINGÜÍSTICA EN INGLÉS

 Convócanse, en réxime de concorrencia competitiva, un máximo de 2.400 bolsas para a estancia e participación nun programa intensivo de inmersión lingüística en inglés en España dunha semana de duración cada unha delas, en réxime de internado e pensión completa, entre o 28 de xuño e o 25 de xullo de 2026.

Beneficiarios:

Serán requisitos necesarios para optar a estas bolsas:

a) Nacer entre o 1 de xaneiro de 2006 e o 31 de decembro de 2009.
b) Estar matriculado no curso 2025-2026 en calquera curso dalgún dos seguintes estudos entre outros:

- Bacharelato

 - Grao medio de Formación Profesional.

c) Obter no curso 2025-2026 a condición de bolseiro do Ministerio de Educación, Formación Profesional e Deportes nalgún dos estudos apuntados para o curso académico 2025-2026.

d) Todos os solicitantes deberán acreditar ter aprobadas todas as materias do curso 2024- 2025 a data de finalización do curso cunha nota final mínima de 9 puntos na materia de inglés.

Condicións: 

A adxudicación da bolsa dará lugar á asignación dunha praza dalgunha das empresas adxudicatarias do contrato para participar na actividade. Con todo, para completar o prezo total do curso os alumnos abonarán necesariamente 100 euros á empresa que se lle asigne. Os beneficiarios non poderán cambiar a empresa que lle fora asignada de maneira aleatoria, pero poderán elixir, dentro da oferta dispoñible na empresa asignada, a semana e sede na que realizarán o curso.

Presentación e tramitación de solicitudes:

A solicitude cumprimentarase mediante o formulario accesible por internet na dirección http://www.educacionyfp.gob.es a través da sede electrónica do Ministerio de Educación, Formación Profesional e Deportes no apartado correspondente a “Buscar Trámites”

O prazo para a presentación de solicitudes estenderase ata o día 5 de marzo de 2026 ás 15:00 horas, hora peninsular.

AXUDAS PARA ACTIVIDADES DE FORMACIÓN EN LINGUAS ESTRANXEIRAS 2026

 Convocanse axudas, en réxime de concorrencia competitiva, para realizar actividades de formación, dirixidas á mellora das competencias en linguas estranxeiras do alumnado de distintos niveis dos centros docentes sostidos con fondos públicos en Galicia, durante o ano 2026.

Actividades de formación convocadas e requisitos de participación:

 

A AVALIACIÓN NOS CICLOS FORMATIVOS ( Modalidade Ordinaria)

 A continuación tedes unha presentación na que se recollen algúns aspectos importantes relativos ao desenvolvemento e avaliación nos ciclos formativos na oferta ordinaria: 

• Avaliación e promoción no 1º curso. Calendario.
• Perda do dereito á avaliación continua (PD). Avaliación.
• Avaliación e titulación no 2º curso. Calendario.
• Fase de Formación na empresa.
• Proxecto intermodular.
• Recuperación de módulos non superados.
• Avaliación da Formación na empresa.
• Aprazamento da Formación na empresa.
• PD no 2º curso. Avaliación.
• Avaliación final de módulos.
• Convocatorias e permanencia nun ciclo.