INSTRUCIÓNS E PRAZOS PARA RECLAMACIÓN DAS CUALIFICACIÓNS FINAIS DE 2º DE BACHARELATO - CURSO 2024-2025

Estas instrucións teñen por obxecto establecer os prazos e concretar os aspectos do procedemento que cómpre seguir na revisión e na reclamación das cualificacións finais outorgadas no 2º curso de bacharelato e/ou da decisión de titulación nesta etapa educativa.

CALENDARIO FINAL DE CURSO DE 2º DE BACHARELATO:

CONVOCATORIA ORDINARIA	Avaliación final a partir do 14 de maio de 2025	ABAU 3, 4, 5 de xuño de 2025.
CONVOCATORIA EXTRAORDINARIA	A partir do 12 de xuño de 2025	ABAU 1, 2, 3 de xullo de 2025.

PROCEDEMENTOS:

Revisión no centro

O procedemento de revisión no centro será o establecido nos artigos 40 e 41 da Orde do 26 de maio de 2023.

A alumna ou o alumno ou, de ser o caso, a súa nai, o seu pai ou as persoas titoras legais que non estean de acordo coas cualificacións ou decisións adoptadas na avaliación final ordinaria ou extraordinaria poderán solicitar cantas aclaracións consideren precisas á persoa titora ou ao profesorado, de acordo co procedemento establecido nas normas de organización,funcionamento e convivencia do centro.

No caso de que persista o desacordo, poderán solicitar por escrito á dirección do centro a revisión da devandita cualificación ou decisión, no prazo de dous días hábiles, contados a partir do día seguinte a aquel en que se produciu a súa comunicación.

Para estes efectos, os prazos para solicitar a dita revisión en cada unha das convocatorias serán:

− Convocatoria ordinaria: os días 19 e 20 de maio de 2025.

− Convocatoria extraordinaria: os días 16 e 17 de xuño de 2025

Reclamación ante a dirección territorial

O procedemento de reclamación ante a Xefatura Territorial será o establecido no artigo 43 da Orde do 26 de maio de 2023.

Se tras o procedemento de revisión no centro persiste o desacordo coa cualificación final dunha materia e/ou coa decisión sobre a titulación, o alumnado ou, de ser o caso, a súa nai, o seu pai ou as persoas titoras legais poderán presentar por escrito á dirección do centro docente unha reclamación ante a dirección territorial correspondente, no prazo de dous días hábiles contados a partir do día seguinte ao da comunicación sobre a decisión adoptada.

Para estes efectos, os prazos para solicitar a dita reclamación en cada unha das convocatorias serán:

− Convocatoria ordinaria: os días 22 e 23 de maio de 2025.

− Convocatoria extraordinaria: os días 19 e 20 de xuño de 2025.

CALENDARIO DE REVISIÓN E RECLAMACIÓNS :

Convocatoria Ordinaria:

Convocatoria Extraordinaria:

Pódese acceder aos documentos completos nos seguintes enlaces:

Instrución 2/2025, da Dirección Xeral de Ordenación e Innovación Educativa, pola que se concretan prazos e aspectos do procedemento para as reclamacións finais nas etapas de educación infantil, educación primaria, educación secundaria obrigatoria e bacharelato para o curso 2024/25

 https://www.edu.xunta.gal/portal/sites/web/files/instrucion_2_2025_reclamacions_finais_sin.pdf

ORDE do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación mesa etapa educativa.

https://www.xunta.gal/dog/Publicados/2023/20230613/AnuncioG0655-290523-0004_gl.html