PREMIOS EXTRAORDINARIOS DE BACHARELATO. CONVOCATORIA 2025-2026

 

O día 1 de xuño publicarase a ORDE do 25 de maio de 2026 pola que se establecen as bases reguladoras e se convocan os Premios Extraordinarios de Bacharelato correspondentes ao curso 2025/26.

A finalidade destes premios é recoñecer e valorar os méritos do alumnado que cursou cun excelente resultado académico o bacharelato na Comunidade Autónoma de Galicia.

Poderase presentar o alumnado que cumpra os seguintes requisitos:

• Ter rematado os estudos de bacharelato no curso 2025/2026 nun centro docente da Comunidade Autónoma de Galicia e ser proposto para título na convocatoria ordinaria do dito curso.

• Ter obtido unha nota media da etapa de bacharelato igual ou superior a 8,75 .

Forma e prazo de presentación de solicitudes:

CONVOCATORIA BECA SOF.IA PARA ALUMNAS QUE CURSEN ESTUDOS UNIVERSITARIOS STEM NA UDC

Convócanse as bolsas Sof.IA, unha iniciativa dirixida a alumnas interesadas en cursar estudos universitarios STEM. 

 

 Requistos:

• Que teñan identidade de xénero feminina e residan en España.
• Queiran estudar un grao universitario STEM.
• Teñan un 8 ou máis de media de bacharelato ou FP. 
• Superasen 2º curso de Bacharelato ou un Grao Superior este ano.

 

A bolsa inclúe: 

• Gastos de matrícula dos dous primeiros anos nalgunha das universidades asociadas (en Galicia sería coa UDC nos seus Graos STEM).  
• Mentorías cunha profesional de Nunsys Group.
• Prácticas formativas nas nosas sedes en España (tras completar o primeiro ciclo académico) 

A convocatoria está aberta ata o 15 de xuño. 

 

Tedes a información completa no seguinte enlace:

https://www.nunsys.com/becas-sofia/  

XORNADA DE PORTAS ABERTAS: "COÑECE A USC" 2026

A Universidade de Santiago de Compostela celebrará os vindeiros 12 de xuño en Santiago e 12 e 13 de xuño en Lugo as “Xornadas de Portas Abertas: Coñece a USC”

Están dirixidas principalmente ao estudantado que vaia a entrar na Universidade o curso que ven para que poidan achegarse ás titulacións de Grao que lle poidan interesar. 

LERDS -LUGARES DE ENTREGA E RECOLLIDA DE DOCUMENTACIÓN NOS DISTINTOS CAMPUS DO SUG

 

ESTUDOS DE FP NAS DISTINTAS COMUNIDADES AUTÓNOMAS

  

A oferta educativa de Formación Profesional depende de cada Comunidade Autónoma. Cada territorio ten as competencias acerca de: 

• Os títulos de FP que se imparten. 

• As datas de inscrición e matrícula.

• O proceso de admisión de alumnado. 

No seguinte enlace poderás atopar información sobre estes aspectos nas distintas Comunidades:

https://todofp.es/como-cuando-y-donde-estudiar.html 

DECIDE O TEU ITINERARIO - DECIDE FP

 DecideFP é unha ferramenta sinxela que te axuda a explorar que estudos de Formación Profesional 

encaixan mellor contigo. 

Só tes que introducir a túa idade, o teu nivel de estudos e os teus intereses, e a aplicación mostrarache ciclos formativos recomendados e posibles itinerarios profesionais relacionados co teu perfil. Tamén conta cun test vocacional.

É un recurso útil se non tes claro que estudar ou se queres orientar a túa carreira cara a novas oportunidades de formación e emprego.

 

Se queres iniciar estudos de FP podes informarte nesta ligazón:

https://www.todofp.es/decidefp/datos-iniciales 

 

PERFÍS PROFESIONAIS DOS CICLOS FORMATIVOS

 

Se che interesan varios ciclos formativos, coñece en que podes traballar estudando cada un deles. Aquí poderás atopar as ocupacións para as que capacita cada título de formación profesional organizado por familias profesionais.

https://todofp.es/orientacion-profesional/notengoclaroqueestudiar/perfiles-profesionales.html 

ADMISIÓN E MATRÍCULA NAS TITULACIÓNS DO SUG. O NERTA

Na seguinte presentación tedes información sobre o proceso de admisión e matrícula nas universidades do SUG e sobre aplicación Nerta onde se poden consultar os datos e se tramitan os procedementos deste proceso.

En concreto repasaremos os seguintes procesos e procedementos:

• Nota de admisión na universidade e orde na adxudicación de prazas.

• Acceso ao Nerta.

• Información sobre a PAU no Nerta.

• Preinscrición. Procedemento e prazos.

• Proceso de admisión  e acceso á universidade no Nerta. Asignación de prazas.

• Matrícula: Prazos e lugar de matrícula.

 

Tedes a información completa destes procedementos na páxina da CIUG https://ciug.gal/gal/admision-sug 

PRESENTACIÓN DA CIUG SOBRE A PAU E ADMISIÓN NA UNIVERSIDADE

Presentación elaborada pola CIUG para dar a coñecer algúns aspectos do desenvolvemento da PAU 2026 e do proceso de admisión na universidade para o curso 2026/2027.