lunes, 2 de junio de 2025

PREMIOS EXTRAORDINARIOS DE BACHARELATO. CONVOCATORIA 2024-2025

 premiosedu

A finalidade destes premios é recoñecer e valorar os méritos do alumnado que cursou cun excelente resultado académico o bacharelato na Comunidade Autónoma de Galicia.

Poderase presentar o alumnado que cumpra os seguintes requisitos:

  • Ter rematado os estudos de bacharelato no curso 2023/2024 nun centro docente da Comunidade Autónoma de Galicia e ser proposto para título na convocatoria ordinaria do dito curso.
  • Ter obtido unha nota media do bacharelato igual ou superior a 8,75 .

Forma e prazo de presentación de solicitudes:

O alumnado formalizará a súa matrícula na proba PEB empregando o anexo I e presentará a súa solicitude de matrícula na secretaría do centro en que superase o segundo curso de bacharelato.

O alumnado indicará os seus datos persoais, os do centro educativo e a modalidade de bacharelato cursada nel; indicará a Primeira Lingua Estranxeira II cursada e a materia escollida entre as materias obrigatorias de modalidade ou vía cursada segundo o seguinte: 

- Artes na vía Artes Plásticas, Imaxe e Deseño: Debuxo Artístico II,

- Artes na vía Música e Artes Escénicas: Análise Musical II ou Artes Escénicas II,

- Ciencias e Tecnoloxía: Matemáticas II ou Matemáticas Aplicadas ás Ciencias Sociais II,

-Humanidades e Ciencias Sociais: Latín II ou Matemáticas Aplicadas ás Ciencias Sociais II,

- Xeral: Ciencias Xerais.

O alumnado presentará a súa solicitude de matrícula no prazo de cinco días hábiles contados desde o día seguinte á publicación desta orde. O prazo de matrícula nos centros educativos será entre os días 4 e 10 de xuño.

Data da proba:

A proba PEB será presencial, en convocatoria única en todo o territorio da Comunidade Autónoma de Galicia e realizarase de forma simultánea nas distintas sedes que se establezan.

A realización da proba PEB terá lugar o día 18 de xuño de 2025.

Estrutura da proba:

Estrutúrase en dúas partes, cada unha a desenvolver en dúas horas.

  • 1ª parte:

-Análise e comentario crítico de texto ou textos, sobre un tema de carácter xeral, histórico, filosófico, científico ou literario.

Para a resolución do exercicio será necesario usar as dúas linguas cooficiais ( agás aquel alumnado que teña recoñecida a exención de avaliación na materia de Lingua Galega e Literatura II).

O único exercicio desta parte da proba PEB cualificarase entre 0 e 20 puntos cun decimal.

  • 2ª parte: consta de dous exercicios

-Primeiro: resposta a cuestións de carácter cultural ou lingüístico sobre un texto na primeira Lingua Estranxeira II cursada polo alumnado como materia común do bacharelato. O exercicio realizarase sen dicionario e no idioma correspondente.

-Segundo: desenvolvemento de temas, respostas a cuestións e/ou exercicios prácticos dunha materia de modalidade cursada polo alumnado, a elixir entre as seguintes, segundo a modalidade de bacharelato cursada: Ciencias Xerais, Matemáticas II, Matemáticas Aplicadas ás Ciencias Sociais II, Latín II, Debuxo Artístico II, Análise Musical II e Artes Escénicas II.

Cualificación:

O exercicio da primeira parte da proba PEB cualificarase entre 0 e 20 puntos cun decimal.

Cada un dos dous exercicios da segunda parte da proba PEB cualificaranse entre 0 e 10 puntos cun decimal.

A cualificación de cada parte da proba PEB obterase mediante a suma das cualificacións dos exercicios que a compoñen.

A cualificación total será a suma das cualificacións obtidas en cada parte da proba PEB.

  • Podes consultar a convocatoria completa no seguinte enlace:

  • Para consultar exames de convocatorias anteriores preme no seguinte enlace:

https://www.edu.xunta.gal/axudaplicacion/AxudaNonIncrustadaCache.do?claveBusca=axuda_premiosedu_informacion_probas_bac&idTipoContido=4 

  • Anexo I para facer a solicitude para participar nas probas:

https://www.edu.xunta.gal/axudaplicacion/DescargarFicheiro.do?_nome=ANEXO%20I_Solicitude%20de%20matricula%20na%20proba%20PEB.pdf&_carpeta=premiosedu&_ext=PDF 

A continuación tedes unha folla resumo coa información importante sobre este procedemento:

 

No hay comentarios:

Publicar un comentario

Nota: solo los miembros de este blog pueden publicar comentarios.